Today: 23 Aug 2025 GMT   Tell Your Friend
Advertisements
സോഷ്യല്‍ മീഡിയ സ്റ്റാര്‍, 'ദയാലുവായ ജഡ്ജി' ഫ്രാങ്ക് കാപ്രിയോയ്ക്ക് വിട
Photo #1 - America - Otta Nottathil - social_media_judge_caprio_passes_away
ലോക ചരിത്രത്തിലെ ഏറ്റവും ദയാലുവായ ജഡ്ജി~അങ്ങനെയാണ് പതിറ്റാണ്ടുകളോളം അമെരിക്കയിലെ റോസ് ഐലന്‍ഡിലെ പ്രൊവിഡന്‍സ് മുനിസിപ്പല്‍ കോടതിയുടെ ചീഫ് ജഡ്ജിയായിരുന്ന് ജനഹൃദയങ്ങള്‍ കീഴടക്കിയ ജഡ്ജ് ഫ്രാങ്ക് കാപ്രിയോയുടെ മരണത്തെ ലോകം കാണുന്നത്. തന്‍റെ എണ്‍പത്തെട്ടാം വയസില്‍ പാന്‍ക്രിയാറ്റിക് ക്യാന്‍സര്‍ മൂലമായിരുന്നു അദ്ദേഹത്തിന്‍റെ അന്ത്യം.

നിരവധി സാമൂഹിക പ്രവര്‍ത്തനങ്ങളിലും സജീവമായിരുന്ന ജഡ്ജ് ഫ്രാങ്ക് കാപ്രിയോ വളരെ സാധാരണക്കാരനായ ഒരു ഇറ്റാലിയന്‍ പാല്‍~പഴക്കച്ചവടക്കാരന്‍റെ മൂന്നു മക്കളില്‍ രണ്ടാമനായിരുന്നു. പിതാവായ അന്‍റോണിയോ ടപ്പ് കാപ്രിയോ തന്‍റെ കുട്ടികളെ ദരിദ്രരോടു ദയ കാണിക്കാനും നന്നായി പഠിക്കാനും തന്‍റെ കുട്ടികളെ പഠിപ്പിച്ചിരുന്നു. ഇത് കൊച്ചു ഫ്രാങ്കിന്‍റെ മനസില്‍ ശക്തമായ സാന്നിധ്യമായി വളര്‍ന്നു.

ചെറുപ്പത്തില്‍ ഡിഷ് വാഷറായും ഷൂ~ഷൈനറായും ജോലി ചെയ്തിരുന്നു കുഞ്ഞു ഫ്രാങ്ക്. പ്രൊവിഡന്‍സ് പബ്ളിക് സ്കൂളില്‍ ചേര്‍ന്നു പഠിക്കവേ 1953 ല്‍ ഗുസ്തിയില്‍ സംസ്ഥാന കിരീടവും നേടി. ഡൊമിനിക്കന്‍ സഭയുടെ സര്‍വകലാശാലയായ പ്രൊവിഡന്‍സ് കോളെജില്‍ നിന്ന് 1958ല്‍ അദ്ദേഹം ബാച്ചിലേഴ്സ് ബിരുദം നേടി.

പിന്നീട് പ്രൊവിഡന്‍സിലെ ഹോപ്പ് ഹൈസ്കൂളില്‍ അമെരിക്കന്‍ ഗവണ്മെന്‍റ് അധ്യാപകനായി ജീവിതം തുടങ്ങിയ അദ്ദേഹം ബോസ്ററണിലെ സഫോക്ക് യൂണിവേഴ്സിറ്റി സ്കൂള്‍ ഒഫ് ലോയില്‍ നൈറ്റ് സ്കൂളില്‍ ചേര്‍ന്നതോടെയാണ് നിയമരംഗത്തേയ്ക്കുള്ള കവാടം അദ്ദേഹത്തിനു മുന്‍പില്‍ തുറക്കാന്‍ കാരണമായത്.

1954~62 കാലഘട്ടത്തില്‍ റോഡ് ഐലന്‍ഡ് ആര്‍മി നാഷണല്‍ ഗാര്‍ഡില്‍ കോംബാറ്റ് എന്‍ജിനീയര്‍ ബറ്റാലിയനിലും അദ്ദേഹം സേവനം അനുഷ്ഠിച്ചു. ആര്‍മി നാഷണല്‍ ഗാര്‍ഡില്‍ സേവനം അനുഷ്ഠിച്ച കാലത്ത് നരാഗന്‍സെറ്റിലെ ക്യാംപ് വാര്‍ണമിലും പെന്‍സില്‍വാനിയയിലെ ഫോര്‍ട്ട് ഇന്ത്യന്‍ ടൗണ്‍ ഗ്യാപ്പിലും അദ്ദേഹം ജോലി ചെയ്തിരുന്നു.

റോഡ് ഐലന്‍ഡ് ബോര്‍ഡ് ഒഫ് ഗവര്‍ണേഴ്സ് ഫൊര്‍ ഹയര്‍ എജ്യുക്കേഷന്‍റെ ചെയര്‍മാനായിരുന്ന അദ്ദേഹത്തിന്‍റെ ജുഡീഷ്യല്‍ പ്രവര്‍ത്തനങ്ങള്‍ കാട്ട് ഇന്‍ പ്രൊവിന്‍സസ് എന്ന പരിപാടിയില്‍ ടെലിവിഷന്‍ സംപ്രേഷണം ചെയ്യപ്പെട്ടതോടെയാണ് ലോകത്തിലെ ഏറ്റവും ദയാലുവായ ജഡ്ജിയെക്കുറിച്ച് പുറം ലോകം അറിയാനിടയായത്. അമെരിക്കയില്‍ ഗതാഗത നിയമലംഘനക്കേസുകള്‍ക്ക് വലിയ തുകകള്‍ ഈടാക്കാറുണ്ട്. ഇത് അവിടുത്തെ സാധാരണക്കാരായ മനുഷ്യര്‍ക്ക് വലിയ പ്രതിസന്ധികളും ഉണ്ടാക്കാറുണ്ട്.

അതു കൊണ്ടു തന്നെ ജഡ്ജ് ഫ്രാങ്ക് കാപ്രിയോയുടെ വിധി നിര്‍ണയങ്ങള്‍ പ്രതികളാക്കപ്പെടുന്നവരുടെ കുട്ടികളുടെ അഭിപ്രായം കൂടി കേട്ട ശേഷം മാത്രമായിരുന്നു. പലപ്പോഴും ജീവിതത്തില്‍ കടുത്ത പ്രതിസന്ധിയില്‍പ്പെട്ട് തങ്ങള്‍ക്കാകെയുള്ള ആശ്രയമായ മാതാവിനെ കോടതി ശിക്ഷിക്കുമോ എന്ന് ഭയന്നു നില്‍ക്കുമ്പോഴും തന്‍റെ അമ്മ റോഡ് നിയമം ലംഘിച്ചു എന്നു ജഡ്ജിനോട് ഏറ്റു പറയുന്ന കുഞ്ഞുങ്ങളെയും അതിനു കാരണമായ അമ്മയുടെ അവസ്ഥയെ കൂടി ജഡ്ജിനോടു പറഞ്ഞ് തന്‍റെ അമ്മയെ ശിക്ഷിക്കാതിരിക്കാമോ എന്നു ചോദിക്കുന്ന കുട്ടികളെയും കാട്ട് ഇന്‍ പ്രൊവിന്‍സസ് എന്ന പരിപാടിയിലൂടെ ആഗോള തലത്തിലുള്ള ലോകം അറിഞ്ഞു. പാര്‍ക്കിങ് വാര്‍സ് എന്ന പരമ്പരയിലും അദ്ദേഹം പ്രത്യക്ഷപ്പെട്ടു. നിരവധി ഗതാഗത നിയമലംഘടന കേസുകള്‍ക്ക് തീര്‍പ്പു കല്‍പ്പിച്ചു. അദ്ദേഹത്തെ സുപ്രീം കോടതി ജഡ്ജിയാക്കണം എന്ന് നിരവധി പ്രേഷകര്‍ അഭിപ്രായപ്പെട്ടു.

കോടതിയിലെ സഹാനുഭൂതിയും നര്‍മവും വാല്‍സല്യവും കലര്‍ന്ന ഇടപെടലും കൊണ്ട് പ്രശസ്തനായി. 500 ദശലക്ഷത്തിനടുത്തു വ്യൂവേഴ്സ് ഉള്ള സോഷ്യല്‍ മീഡിയ താരമായിരുന്നു അന്തരിക്കുമ്പോള്‍ ജഡ്ജ് ഫ്രാങ്ക് കാപ്രിയോ. മരിക്കുന്നതിനു തൊട്ടു മുമ്പും ആശുപത്രിക്കിടക്കയില്‍ നിന്നും അദ്ദേഹം തന്‍റെ വ്യൂവേഴ്സുമായി സംവദിച്ചിരുന്നു.ഇക്കഴിഞ്ഞ 2025 ഫെബ്രുവരി നാലിനാണ് അദ്ദേഹം "ഫ്രാങ്ക് കാപ്രിയോ കംപാഷന്‍ ഇന്‍ ദി കോര്‍ട്ട്' എന്ന തന്‍റെ പുസ്തകം പുറത്തിറക്കിയത്.
- dated 23 Aug 2025


Comments:
Keywords: America - Otta Nottathil - social_media_judge_caprio_passes_away America - Otta Nottathil - social_media_judge_caprio_passes_away,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.
Other News Titles:
Advertisements
© PravasiOnline Since 2007. All rights reserved.
pravasionline.com : eServices : regionalportalWWWDEVplug
Questions or feedback regarding our web presence please do not hesitate to contact us.
Pravasilokam – A Pravasi Malayalam News Portal
Home | Advertise | Link Exchange | SiteMap | Contact Us